БҚО тас жолында полицейлер тоңып қалған әйелді тауып, Зашаған полиция бөлімшесіне жеткізді. Әйелдің тұрмыста, екі баласы бар екені анықталды. Полиция қызметкерлері әйелдің денсаулық жағдайын анықтау және оған қажетті медициналық көмек көрсету үшін жедел жәрдем шақырды.
Зашаған полиция бөлімінің бастығы Тимур Айтуғановтың айтуынша, әйелді тас жолдың бойында жатқан жерінен тауып, Зашаған полиция бөліміне алып келген.
«6 қаңтар күні сағат 07:00 шамасында әйелді жекеменшік күзет фирмасының қызметкерлері біздің бөлімге алып келді. Олар Саратов тас жолымен өтіп бара жатып әйелді байқаған. Ер адамдар бұл белгілі бір тұрғылықты жері жоқ әйел немесе оны біреулер қағып кеткен деп ойлаған. Олар оны бізге алып келді, әйел ұқыпты киінген, бірақ мас болды, тоқтамай жылай берді. Оның қатты тоңып қалғаны байқалды», — деді Тимур Айтуғанов.
Жеке заттары, ұялы телефоны өзінде болды. Оның екі баласы, жұбайы бар екені белгілі болды.
Полицейлер жедел жәрдем шақырды, әйел арыз жазудан бас тартты, қандай да бір дене жарақаты болмады.
Әйел соңғы рет мейрамханада болғаны есінде, жол бойына қалай тап болғанын білмейді.
«Әйел тіпті медициналық көмектен де бас тартты», — деп атап өтті полицейлер.
Кейін оны туыстары алып кетті.
