«Европейская правда» басылымы хабарлағандай, АҚШ Қорғаныс министрі Ллойд Остинге қуық асты безі обыры диагнозы қойылды. Операциядан кейін асқынудан кейіг Пентагон басшысы осы жылдың басында шұғыл ауруханаға жатқызылды.
2023 жылы желтоқсанның басында медициналық тексеру кезінде ерте сатыдағы қуық асты безі обыры анықталды. 22 желтоқсанда жалпы наркозбен операция жасалды, келесі күні Ллойд Остин ауруханадан шықты.
Алайда, 1 қаңтарда операциядан кейін ауруы асқынып, іші ауырғанына байланысты шұғыл ауруханаға қайта жатқызылды. Зерттеу нәтижесінде зәр шығару жолдарында инфекция анықталды.
«2 қаңтарда оны барынша мұқият бақылау және жоғары сапалы күтім жасау үшін қарқынды терапия бөлімшесіне ауыстырылды. Тексерулер жүргізіліп, нәтижесінде құрсақ қуысында сұйықтықтың жиналғаны анықталды, бұл ащы ішектің жұмысын бұзды», — деп атап өтті ауруханадағылар.
Ауру асқынғанына қарамастан, Ллойд Остин 1 қаңтардан бері есінен танбады, оған наркоз берілген жоқ. Операциядан кейінгі асқынулар сәтті жойылды және Пентагон басшысы сауығып келеді, деп нақтылады медициналық орталық қызметкерлері.
Уолтер Рид атындағы Ұлттық әскери медицина орталығының мәлімдемесінде неліктен Пентагон Остиннің денсаулық жағдайы туралы ақпарат жарияланғанға дейін бірнеше күн үнсіз жатқанына түсіндірмеді.
Ллойд Остиннің өзі сауығып келе жатқанын айтып, жұртшылықтың алаңдаушылығына түсінетінін айтып, денсаулық жағдайы туралы хабарлау керек болғанын айтты.
Ақ үй хабарлағандай, АҚШ президенті Джо Байден Ллойд Остиннің ауруханаға жатқызылуы туралы ақпарат кешіктірілгеннен кейін оны жұмыстан шығару мәселесін қарастырып жатқан жоқ.