Пентагон басшысы Ллойд Остин операциядан кейін ауруы асқынып, 1 қаңтардан бастап қуықасты обырынан емделіп жатқанына қарамастан ауруханада жатып Йеменге жасалған шабуылды бақылап отыр. CNN хабарлағандай, АҚШ Қорғаныс министрі Орталық қолбасшылыққа (CENTCOM) хуситтердің нысандарына шабуыл жасауға бұйрық берді және нақты уақыт режимінде жағдайды қорғалған байланыс құралдарын арқылы бақылап отыр.
Пентагон өкілі Остин президент Джо Байденмен, Біріккен штаб бастықтары комитетінің төрағасы Чарльз Браунмен және басқа да жоғары лауазымды өкілдермен президент шабуыл жасауға рұқсат бергеннен кейін реакция мен орындалу барысын талқылау үшін бірнеше рет телефон арқылы сөйлескенін атап өтті. Министр сондай-ақ соңғы 72 сағат ішінде хуситтерге соққы беруді қадағалау мен басқаруға белсене қатысты.
Ллойд Остин ауруханада жатса да өңірдегі күрделі жағдайды үйлестіруді қамтамасыз ете отырып, әскери шешімдер қабылдауда.