Павлодар облысында алдағы қатты аязға байланысты жергілікті билік өңір тұрғындары мен қонақтарына кеңес беріп, суық күндері қауіпсіз жерде болуға және сақтық шараларын сақтауға шақырады.
«Қазгидромет» филиалы жұмадан сенбіге қараған түні ауа температурасы -37-42 градусқа жететінін хабарлады. Осыған байланысты, өңірлік төтенше жағдайлар департаменті келесі қауіпсіздік ережелерін сақтауды сұрайды:
Ауа температурасы төмен болған кезде дене температурасының төмендеуі мен үсік шалуды алдын алу үшін далда ұзақ уақыт жүрмеңіз.
Балаларыңызға мұндай ауа райында далаға шығуға рұқсат бермеңіз.
Елді мекендердің маңынан аса қажеттіліксіз шықпаңыз.
Елді мекендердің аумағынан шықсаңыз, жол жүру маршруты бойынша және соңғы пунктке келу уақыты туралы жақындарыңызға және туысқандарыңызға хабар беріңіз.
Сыртта тым ұзақ болмауға тырысыңыз және жылы киініп жүріңіз. Үсік шалу жиі ауыртпалықсыз байқалмай келеді, сондықтан бет терісінің сезімталдығын жиі тексеріп, саусақтарыңызды үнемі қозғалтып отыру керек.
Қатты жел кезінде бетіңізді шарфпен немесе маскамен жабу қажет. Аяқтың үсіп қалуын болдырмау үшін көбірек қозғалғаныңыз жөн. Балаларды мектепке жібермес бұрын сабақтардың тоқтатылмағанына көз
Төтенше жағдайлар кезінде немесе шұғыл көмек көрсету қажет болған жағдайда құтқару қызметіне 112 нөмірі бойынша қоңырау шалу қажет.