Павлодарда саяжай үйлері өртенді.
Бұл туралы Павлодар облысы төтенше жағдайлар департаментінің баспасөз қызметі хабарлады.
«15 сәуір күні сағат 11-52-де «Надежда», «Восточный» бау-бақшасындағы өрт туралы хабарлама келіп түсті. Шамамен 20-30 саяжай үйлері, құрғақ шөптің алаңы шамамен 10 гектарға жетті», — деп хабарлады құтқарушылар.
Олардың мәліметінше, өртті сөндіруге ТЖД: 61 қызметкері мен 5 бірлік техника, АҚ ҰК «ҚТЖ» өрт сөндіру пойызы жұмылдырылды.
Суды жеткізу үшін қосымша жергілікті атқарушы органдардың күштері жіберілді.