Павлодарлық құқық қорғау органдары арнайы операция жүргізіп, нәтижесінде ұйымдасқан қылмыстық топтың жетекшісі ұсталды.
Күдікті сыбайласымен бірге ЖШС-нің бас директоры мен оның орынбасарынан 52 млн теңге талап еткені хабарланды.
Ол 15 сәуірде сағат 13:50-де Ткачев көшесіндегі бассейндердің бірінің жанында ұсталды.
«Жедел уәкілдер ҰҚТ-тың 54 жастағы басшысы 40 жастағы павлодарлықпен алдын ала сөз байласу арқылы тұлғалар тобында әрекет ете отырып, ЖШС-нің бірінің бас директорынан және оның орынбасарынан болжамды талап ету құқығын іске асыру түрінде әрекеттерін бүркемелеп психологиялық қысым көрсету және күш қолдану қаупі арқылы, соңғылардан үшінші тұлғалардың пайдасына 52 млн. теңгеден астам ақша қаражатын беруді талап еткендігін анықтады», — деп хабарлады Павлодар облыстық полиция департаментінің бастығы Василий Скляр.
Қазақстан Республикасы ҚК-нің 194-бабы 4-бөлігінің 2-тармағы бойынша сотқа дейінгі тергеу жүргізілуде. Аталған баптың санкциясы 7 жылдан 15 жылға дейінгі мерзімге бас бостандығынан айыру түріндегі жазаны көздейді.
Күдікті тұтқындалды.
