Павлодар облыстық полиция департаменті бастығының орынбасары бюджет қаражатын жымқырды деген күдікпен ұсталды.
«Өз араларында сыбайлас жемқорлыққа қарсы күресте өзара ынтымақтастық туралы қол қойылған меморандум аясында Сыбайлас жемқорлыққа қарсы қызметпен бірлесіп, Павлодар облысы полиция департаменті бастығының орынбасары бюджет қаражатын жымқырды деген күдікпен ұсталды», — деп хабарлады ҚР ІІМ баспасөз қызметі.
Бірлескен жедел-тергеу тобы құрылды. ҚР Қылмыстық кодексінің 189-бабы 4-тармағы бойынша сотқа дейінгі тергеу басталды.
Тергеу мүддесіне орай өзге ақпарат жарияланбайды.