Папуа-Жаңа Гвинеяда құқық қорғау органдарының қызметкерлері, атап айтқанда полиция мен әскери қызметшілердің ереуілі жаппай тәртіпсіздікке ұласты. Ел астанасы Порт-Морсбиде басталған көтеріліс Лаэ қаласына жетіп, кем дегенде 16 адам қаза тауып, ондаған адам жарақат алды.
Көшелерде полицияның болмауына байланысты қарақшылар дүкендер мен коммерциялық орталықтарды тонады. Тәртіпті қалпына келтіру үшін аталған қалаларға басқа провинциялардан полицейлер жіберілді.
Тәртіп сақшылары төмен жалақыға наразылық білдіріп, ереуілге шықты. Билік өкілдері жалақыны есептеу жүйесіндегі ақауға байланысты шегерімдер болғанын айтып, оларды өтеуге уәде берді.