Қостанай облысындағы ІІМ баспасөз қызметінің мәліметінше, Қостанай облысы бойынша Экономикалық тергеу департаментінің қызметкерлері «Қыран» арнайы мақсаттағы бөлімшесімен бірлесіп жедел іс-шаралар барысында бірден екі жасырын казиноның қызметін анықтап, жолын кесті.
Хабарламада айтылғандай, түрлі құмар ойындарды ұйымдастыру және өткізу үшін Қостанай қаласының аумағында үй-жайларды жалға алған.
Ойын жабдықтарын пайдалана отырып, құмар ойындар өткізіп, ойынға 10 000 теңгеден кем емес сомаға ойын фишкаларын сатып алған ойыншыларды ғана қатыстырған, одан кейін ақшалай ұтысты беретін ауызша келісім жасасқан, — деп хабарлады Қостанай облысы бойынша ЭТД.
Тексеру барысында покер үстелі, ойынға арналған алты үстел, ойын карталарының 15 бағаны, фишкалар, бейнежазбалары бар ресивер, ойынға тігілген мөлшерлемелер туралы жазбалары бар журнал мен блокнот, ойын фишкалары жиынтығы бар кейс, «Samsung» маркалы электрондық планшет және ақша табылып, тәркіленді.
Қазіргі уақытта тергеу амалдары жүргізілуде.
