Орталық сайлау комиссиясы мемлекет басшысы Қ.Қ.Тоқаев тағайындаған сенаторлар тіркелгенін хабарлады.
«Парламент Сенатының депутаттары ретіндегі өкілеттіктеріңіз басталды. Сіздер заң шығарушы билікті жүзеге асыратын ҚР Парламентінің депутаттары болдыңыздар», — деді ОСК төрағасы Нұрлан Әбдіров Астанада өткен брифингте депутаттарға арнаған сөзінде.
Мемлекет басшысының жарлығына сәйкес, Қазақстан Республикасы Парламенті Сенатының депутаттары болып:
Больгерт Евгений Андреевич;
Кузиев Закиржан Пирмухамедович;
Ниязова Нұрия Исмағилқызы;
Сатвалдиев Әлішер Гапиржанұлы;
Шиповских Геннадий Геннадиевич;
Жақып Қажманұлы Асанов;
Әшімбаев Мәулен Сағатханұлы;
Жүсіп Нұрторе Бәйтелесұлы;
Қалтаева Ләззат Молдабекқызы;
Шәкіров Асқар Оразалиұлы.
ОСК басшысының айтуынша, ағымдағы жылдың 19 наурызына белгіленген мәжілістің кезектен тыс сайлауы өткізілуіне байланысты сенаторлар барлық парламент үшін заңдар қабылдау бойынша заңнамалық функцияларды орындайтын болады.