24 мамыр күні сағат 15:00-де Абай облысы Төтенше жағдайлар департаментінің баспасөз қызметі өрт сөндіруге 434 адам мен 100-ден астам өрт сөндіру техникасы жұмылдырылғанын мәлімдеді. Соңғы тәулікте ҚР Қорғаныс министрлігі мен «Қазавиақұтқару», «Қазорманқорғау» компанияларының төрт тікұшағы 277,5 тонна су шашты. Аэровизуалды бақылау үшін «Қазавиақұтқару» компаниясының ЕС-145 (Еурокоптер) тікұшағы тартылды.
«Бізге Астана, Павлодар және Қарағанды облыстарынан көмек ретінде ТЖМ күштері жіберілді. Олардың саны шамамен 130 адам, сондай-ақ өртке қарсы 26 техника келді. Сонымен қатар, біз Қорғаныс министрлігінің қосымша ресурстары тартылатынына үміттіміз, атап айтқанда жеңіл техника мен бульдозерлер береді», — деп хабарлады Қорғаныс министрлігінің баспасөз қызметі.