Қазақстанның Жетісу облысы Алакөл ауданындағы «Шуақ» мамандандырылған орталығында диагнозы әртүрлі науқастар бір жоспар бойынша емделген, деп хабарлады Қазақстандағы адам құқықтары жөніндегі уәкіл. Мекеме ерекше қажеттіліктері бар адамдарға арналған, алайда анықталған бұзушылықтар осы санаттағы азаматтардың құқықтары бұзылғанын көрсетеді.
«Барлық науқастар үшін бірдей емдеу жоспары әзірленгені анықталды, ал бұл орталықта әртүрлі дертке шалдыққан адамдар бар», — делінген омбудсменнің хабарламасында.
Анықталған бұзушылықтар аясында облыс әкімінің орынбасарларына ұсыныстар жолданды. Нәтижесінде бір қызметкер сөгіс алды, екіншісі – медициналық-әлеуметтік мекеменің заңгері басқа елді мекенде тұруына және жұмыс орнында тұрақты бола алмауына байланысты жұмыстан босатылды. Сондай-ақ науқастарды емдеу бойынша жеке жоспарлы жұмыстарды формалды және біркелкі әзірлеу фактілері жойылып, басқа да заң бұзушылықтарды жою шаралары қабылданды.