АҚШ Орталық барлау басқармасының бұрынғы басшысы Дэвид Петреус, Ресей президенті Владимир Путин Украинада табысқа жетсе, Молдова мен Балтық елдеріне шабуыл жасауы мүмкін екенін ескертті. Ол CNN-ге берген сұхбатында Путин Украинада көздегеніне жетсе, Еуропаның басқа өңірлеріне шабуылын жалғастыруы мүмкін деп алаңдаушылық білдірді.
«Украина үшін АҚШ Конгресінің қолдауы маңызды, себебі Путин Украинада алға қойған мақсаттарына қол жеткізе алатынын сезетін болса, ол өз әскерін одан әрі — Молдоваға немесе бәлкім, Балтық жағалауы елдерінің біріне жіберуі мүмкін», — деп мәлімдеді Петреус.
ОББ-ның бұрынғы директоры Украинаға қаржылай көмек Путиннің өңірдегі ықпалының кеңеюіне жол бермеу үшін қажет екенін атап өтті. Ол көмек көрсетуді маңызды екенін атап өтіп, Еуропаның қауіпсіздігі мүддесінде саналы шешімдер қабылдауға шақырды.