Нью-Йорк прокуратурасы құны $300 миллионнан асатын Amadea суперяхтасын азаматтық тәркілеу туралы талап-арыз түсірді. Ресейлік олигарх Сулеймен Керимов Украинадағы ресейлік агрессияға қатысы бар болғандықтан 2014 жылдан бері АҚШ-тың санкциясында, ол Amadea суперяхтасын үшінші тұлғалар арқылы сатып алмақ болған.
Бұл туралы «Европейская правда» АҚШ Әділет министрлігіне сілтеме жасай отырып хабарлайды. Талап-арыздың егжей-тегжейі бойынша, Amadea суперяхта ресми түрде 2021 жылғы қыркүйекте Errigan Marine компаниясының меншігіне өтті, ол қағаз жүзінде санкцияға ұшыраған Imperial Yachts яхта брокерінің басшысы Евгений Кохманға тиесілі.
АҚШ Әділет министрлігінің хабарлайынша, 2021 жылғы қазан айынан бастап Фиджи билігі яхтаны тәркілегенге дейін Керимов және/немесе оның отбасы мүшелері Amadea бортында бірнеше рет саяхаттаған, Amadea-ны ауқымды жөндеуді жоспарлады, Amadea рейстерінің кестесі бойынша ұзақ мерзімді жоспарлар құрды, сондай-ақ Amadea-ны қарауға және шығындар бойынша барлық міндеттемелер мен жауапкершілікті өз мойнына алды.
Forbes-тың бағалауынша, Сулейман Керимовтың дәулеті $10,7 миллиардқа бағаланады, ол Ресейдің ең бай азаматтарының бірі.
АҚШ Қаржы министрлігі Ресейдің Сирия мен Украинадағы әрекеттеріне байланысты Керимовке 2014 және 2018 жылдары санкция салған. 2023 жылдың мамыр айында «Полюс» компаниясы да қара тізімге енді.