Дәрігер коронавируспен ауырған науқастарда қандай неврологиялық асқынулар пайда болуы мүмкін екенін айтты.
«Бұл салдар әлі аз зерттелген. Олар инфекцияның өткір кезеңінде пайда болуы мүмкін. Асқынулар кешігіп те шығады, яғни олар емделіп шыққаннан кейін пайда болады. Бүгінгі коронавирустың болашақта мидың ауыр ауруларының дамуына қандай серпін беретінін ешкім білмейді. Жақсыға үміттенеміз», — деді жоғары санатты невролог және медицина ғылымдарының кандидаты Неонила Фомина-Чертоусова.
Сонымен қатар, коронавирустан кейін адамда орталық жүйке жүйесінде проблемалар пайда болады: оның ұйқысы нашарлайды, сондай-ақ бұлшықеттерге зақым келеді.
«Тіпті мұндай ұғым пайда болды: коронавируспен байланысты инсульт. Себебі, коронавирусты жұқтырған кезде инсульт алу мүмкіндігі шамамен алты пайызға өседі», — деп түсіндірді Фомина-Чертоусова, ол инсульт ауру жұқтырғаннан кейін бірнеше аптадан соң немесе тіпті аурудың белгілерінің біріне айналуы мүмкін екенін атап өтті.
Бұдан басқа, созылмалы тамыр жетіспеушілігі және коронавирус жұқтырған адамда деменцияны дамыту мүмкіндігі бар — COVID-19-сыз ол баяу дамиды. Аурудан кейін адамда ұйқышылдық, апатия, сіреспе немесе талып қалу, созылмалы тамырлардың асқынуы пайда болуы мүмкін. Олардың себебі өкпе жеткіліксіздігінен миға жеткілікті мөлшерде оттегінің бармауы. Сонымен қатар, дәрігер жұқпалы ауруға байланысты жұлын ауруларын да еске салды.
Коронавирус кезінде перифериялық жүйке жүйесі жиі зардап шегеді, ал неврологтың айтуынша, тәуекел тобында жастар да бар. Ол коронавирус жұқтырған адамның кенеттен аяқ-қолы ұйып қалу белгілерін мысалға келтірді. Сонымен қатар, коронавирустың салдарынан аяқ-қолдары ауырып жастар ауруханаға түс0п жатадыі. Сондай-ақ, созылмалы неврологиялық аурулары бар, иммундық жүйені басатын терапия алатын адамдар да қауіп аймағында.
Фомина-Чертоусова егер неврологиялық аурулары бар адам коронавирустық инфекцияға шалдықса, негізгі диагноз бойынша ұсыныстарды орындауға кеңес берді. Сонымен қатар, денсаулық жағдайын мұқият бақылап, эпидемияға қарсы ережелерді сақтау қажет.
