Украина президенті Владимир Зеленский Британия Ппремьер-министрі Риши Сунакқа алғысын білдіріп, оны Украинаның нағыз досы деп атады. Ол Киевке тез арада қару-жарақ жеткізу мәселесінің маңыздылығын түсінгені үшін Британияның ризашылығын білдірді.
Украина президенті Владимир Зеленский жақында Лондонда өткен кездесуде қол жеткізілген келісімдерді талқылау үшін Ұлыбритания премьер-министрі Риши Сунакпен телеыон арқылы сөйлесті. Бұл туралы Зеленский Telegram-да айтты.
«Украинаның нағыз досы — Ұлыбритания премьер-министрі Риши Сунакпен сөйлестім. Лондонға сапарым кезінде қол жеткізілген уағдаластықтардың жүзеге асырылуын талқыладық. Ұлыбританияның әскери көмекті тез арада жеткізу Украинаның ұрыс алаңындағы жетістігі екеніне түсіністікпен қарайтынын жоғары бағалаймын. Ортақ жеңісімізді бірге жетеміз!»- делінген Украина президентінің хабарламасында.
Оның алдында Сунак Украинаға жауынгерлік ұшақтар беру мәселесі өте күрделі екенін, бірақ Лондон басқа елдерге ұшақтарды Киевке беруге көмектесуге дайын екенін хабарлады.
Бұған дейін Ұлыбритания Қорғаныс министрі Бен Уоллес Украина РФ-мен соғыс аяқталғаннан кейін ғана заманауи Typhoon түріндегі жойғыш ұшақтарға қол жеткізе алады деп мәлімдеген болатын, себебі ұшқыштарды дайындау көп уақытты алады.