Қазақстанның елордасы Алматы қаласында № 2 қалалық балалар клиникалық ауруханасының медицина қызметкерлері іштей көптеген кемістіктермен туған нәрестеге күрделі ота жасады. Алматы облысында туған баланың іштей өкпесі қабынып, омыртқа, жұлын ақаулары, сондай-ақ туа біткен пневмониясы болды.
Алматыда медициналық бригада дүниеге келгеніне төрт-ақ күн болған қызға ота жасады. Компьютерлік томография нәтижесінде оның іштей омыртқа кемістігімен туылып, жұлынында үлкен жарық бары анықталды.
Жетекші балалар нейрохирургтері консилиум өткізіп, операциялық микроскопты пайдалана отырып, жұлындағы жарықтың жарылып, ағзаға инфекция таралу қаупін ескере отырып ота жасау туралы шешім қабылдады. Баланың жағдайына байланысты қауіпке қарамастан, операция сәтті өтті.
Нейрохирург Данияр Сабденалиев жақсы нәтижеге қол жеткізгенін, жұлындағы сұйықтықтың жарадан сыртқа ағып кету қаупі сейілгенін айтты, қазір жара орны жазылып келеді дейді. Қазір жасанды тыныстау аппаратынан алынды, бала өзінше тыныс алады. Алдағы уақытта тұрғылықты жеріндегі Облыстық балалар ауруханасына ауыстыру жоспарланып отыр.