Үндістанның қауіпсіздік күштері «Лашкар-э-тайба» пәкістаншыл экстремистік тобына қарасты екі жауынгердің көзін жойды. Олардың ішінде бірі шетелдік лаңкес.
Өңірдің полициядағы дереккөздері Барамулла ауданында үндістандық тәртіп сақшылары терроризмге қарсы операция жүргізілгені туралы хабарлады, оның барысында қарулы экстремистердің көзі жойылды.
Өлтірілгендердің арасында бұрын үнді құқық қорғау органдарының қызметкерлеріне шабуыл жасағаны үшін іздеуде болған шетелдік лаңкес бар.
2020 жылы Джамма мен Кашмирде үнділерге қарсы топтар 200 лаңкестік шабуыл жасады, осы кезеңде қауіпсіздік күштері 199 экстремисттің көзін жойды.
Британдық Үндістан 1947 жылы тәуелсіздігін алып, діни факторға байлагнысты екі мемлекетке бөлінгеннен бері, Кашмир Үндістан мен Пәкістан арасындағы даулы аймақ болып отыр. Қазір өңірде мемлекеттік шекара жоқ: екі елдің аумағын бақылау желісі бөліп тұр. Кашмирдің үндістандық бөлігінде осы ауданды елден бөлуді жақтайтын топтар белсенді жұмыс істейді.
Нью-Дели көршілес Пәкістанға экстремистер қолдау көрсетіп отыр деп айыптады, Исламабад бұл тағылағн айыптарды жоққа шығарды.