Нұрсұлтан Назарбаев мереке қарсаңында Қазақстанның мәңгілікке бағыт ұстаған ұзақ жолдың әлі де басында деп санайтынын айтты.
Бұл туралы Қазақстан Тәуелсіздігінің 30 жылдығына арналған салтанатты іс-шарада айтты.
«Қымбатты отандастар! Тәуелсіздіктің 30 жылдығы – жасампаз Қазақстан тарихының жаңа бір белесі. Еліміз мәңгілікке бағыт ұстаған ұзақ жолдың әлі де басында деп санаймын. ХХІ ғасыр Қазақстанның «алтын ғасырына» айналсын», — деп мәлімдеді Назарбаев.
Оның айтуынша, біріксек қана болашақта жетістікке жетеміз.
Сонымен қатар, Елбасы қазақстандықтарды Қасым-Жомарт Тоқаевтың бастамаларымен бірлесіп жұмыс істеуге шақырды.