Немістің Bild басылымының ақпаратына сәйкес, Германия Қарулы Күштері (Бундесвер) Ресей НАТО-ның шығыс қапталына ықтимал гибридтік шабуыл жасауына байланысты белсенді дайындалып жатыр. Германия Қорғаныс министрлігінің құпия құжатында 2024 жылдың ақпан айында шиеленіс ушығуы мүмкін деп болжануда.
«Альянс қорғанысы 2025» деп аталатын құжатта НАТО-ның жүз мыңдаған сарбаздарын орналастыру және 2025 жылдың жазында соғыс басталуы мүмкін сценарий ұсынылған. Алайда, қауіпсіздік тұрғысынан, Bild басылымы әскерлердің саны мен жүріп-тұруы туралы толық ақпаратты жарияламады.
Ықтимал сценарийге сәйкес, Ресей 200 жылдың ақпан айында қосымша 2024 мың адамды әскер қатарына шақыра бастайды. Ресейдің көктемдегі Украинаға шабуылы және алдағы әрекеттері НАТО-ның реакциясын тудырады. Кибершабуылдар мен қақтығыстың басқа да түрлерімен гибридтік соғыс болады деп күтілуде.
Балтық елдеріндегі қақтығыстар және 2024 жылғы желтоқсанда Сувалк дәлізінде жасанды түрде туындаған «шекара қақтығысы» шиеленісті жағдай туғызады. 2025 жылғы мамырда Ресейдің НАТО аумағына ықтимал басып кіруінен кейін ұйым 300 000 әскерилерді, соның ішінде 30 000 Бундесвер солдаттарын шығыс қапталға жібере отырып, тежеп тұру шараларын қабылдайды.
Сценарий «Х күнінен» кейін 30 күн өткен соң аяқталады. НАТО Ресейді ұстап тұра ала ма деген мәселе ашық күйінде қалып отыр. Аталған сценарий өңірдің қауіпсіздігіне және әлемдік геосаяси тұрақтылыққа күмән тудыруда.