Батыс сарапшыларының пікірінше, Украина — «ресейлік агрессияға, Путинге тойтарыс берген алғашқы ел». Мәскеу ұзаққа созылатын соғыс қимылдарын жүргізуге дайын екенін бірнеше рет мәлімдеді. Бұл Батыстың ықимал соғысқа дайындалуына, атап айтқанда РФ-ның ықтимал шабуылына тойтарыс беруді пысықтауға бағытталған НАТО оқу-жаттығуын өткізуіне себеп болды.
НАТО-ның «Берік қорғаныс» оқу-жаттығуы қырғи қабақ соғыс уақытынан бергі ең ауқымды оқу-жаттығу. Олар Альянстың шығыс шекараларында өткізілуде және бірнеше айға созылуы тиіс. Оған жеке құрамнан 90 000 адам, 50 түрлі кеме, жойғыш ұшақтар, тікұшақтар мен ұшықсыз басқарылатын ұшақтарды қоса алғанда 80 бірлік ұшақ, кемінде 1100 жауынгерлік машина, оның ішінде 133 танк және 533 ЖӘЖМ жұмылдырылды. НАТО-да далада бір мезгілде 90 000 солдатты көру мүмкін емес екенін атап өтуде, себебі оқу-жаттығулар барысында көптеген ұсақ операциялар жүргізіледі.
Батыс қолбасшылары оқу-жаттығулар Ресей Федерациясының ықтимал шабуылына тойтару беру мақсатында жүргізіліп жатқанын жасырмайды. «Әскерилер өз шекараларын қорғауға сенімді болу үшін барлық мүмкін сценарийлерді пысықтауы тиіс. Оқу-жаттығу осал тұстарын анықтау және оларды күшейту үшін жүргізіледі», — дейді мамандар.
Сыртқы саясатты зерттеу институтының Еуразиялық бағдарламаны зерттеу жетекшісі Роберт Гамильтон батыстық оқу-жаттығулар қытайлық және ресейлік оқу-жаттығулармен салыстырғанда тиімділігімен ерекшеленетінін түсіндіреді: «Ресейлік және қытайлық оқу-жаттығулардың басым бөлігі — бұл алдын ала дайындалған «әскери шоу», олардың мақсаты — алдын ала дайындалған және өте қолайлы жағдайларда мүмкіндіктерін көрсету болып табылады. Ал батыстық әскерилер көбінесе жауынгерлік даярлықты қайда және қалай жетілдіруге болатынын білу үшін өздерін және техникаларын аямай қолданады».
Батыс елдері Ресей уақыт өте келе шабуыл жасауы мүмкін екеніне сенімді. Бірақ бұған бей-жай қарамауда, Мәскеудің агрессиясы болашақтағы ықтимал нұсқалардың бірі ретінде қарастырлуда. Оқу-жаттығу кезінде НАТО халықаралық құқықты бұзып немесе арандатушылық жасап жатқан жоқ.
Роберт Гамильтон: «Кремль үйреншікті әнге басады: олар аталған оқу-жаттығулар мен жауынгерлік дайындықты — «эскалацияға алып келеді», бұл — «Ресейге қауіп төндіреді», НАТО-ның «агрессивті ниеті» бар деп айта жөнеледі.
НАТО өздерінің Сувалк дәлізіндегі Беларусь пен РФ Калининград облысы арасындағы құрлық жолағында әлсіз екенін біледі. Ресей шабуыл жасаған жағдайда негізгі соққы Балтық елдерін Польшадан ажырату үшін осы бағытта жасалуы мүмкін. Батыс әскерилері бұл сценарийді құрлықта да, виртуалды жаттығуларда да үнемі пысықтап отырады, сондықтан Мәскеудің осы бағыттағы шабуылы сәтсіз болатынына сенімдіміз.
НАТО Ресеймен шектесетін Швеция мен Финляндияны екі жаңа мүше ел ретінде қабылдағанын жариялады, ал НАТО блогы мен Батыс бұрынғысынша келіспеушіліктерге қарамастан күштерін бірікті. «Батыс әскери альянсы Еуропа құрлығында қауіпті елдердің бірінің шабуылына тойтарыс беруге дайындалып жатыр және Путин оларды жеңе алмасы анық», — дейді әскери сарапшылар.