Алматы облысы бойынша ТЖД Жаркент маңындағы Панфилов ауданында болған қайғылы оқиға туралы хабарлады.
Ведомстводан хабарлағандай, мал жайып жүрген ер адамдардар жаңбыр астында қалып, ағаштың түбін паналаған. Алдын ала юолжам бойынша, екеуі де найзағайдың соққысынан қаза тапты.
Жайылымнан олардың өртенген денелері табылды.
Панфилов ауданының әкімдігі аталған ақпаратты растады. Хабарланғандай, найзағайдың құрбаны болған екі жергілікті тұрғын мал жайып жүрген.
«Расында, бұл дерек 28 мамырда тіркелді. Кешкісін ауа райы бұзылып, жаңбыр жауып, найзағай ойнады. Жайылымнан қайтып келе жатқан 1965 және 2002 жылдары туған екі ер адам ағаштың түбін паналаған. Найзағай оларға тікелей түскен. Екеуі де түрлі отбасының адамдарығ қала шетіндегі жеке секторда тұрады», — деді Панфилов ауданы әкімінің баспасөз хатшысы Нұрбол Қанағатұлы.