Нұр-Сұлтанда бірнеше аудан тұрғындары өздерінің отбасылық ағаштарын отырғызды. Қаланы көгалдандыру бойынша ауқымды BI Green жобасы 10 қазанда «Зеленый Квартал» ТК саябақ аймағында басталды, ал 17 қазанда «Камал» ТК, Orynbor Towers ТК және Light House ТК тұрғындары өз ағаштарын отырғызды. Акция BI Group компаниясының 25 жылдығына орайластырылған.
BI Clients учаскесінің басшысы Анатолий Постников эко-қозғалыс аясында холдинг 1900 ағаш пен алты жүзден астам бұта отырғызатынын хабарлады. «Біздің дендрологтар біздің құрлықтық климатымызға оңай бейімделе алатын ағаштарды отырғызу үшін арнайы таңдады. Олар — алма, алмұрт, қарағаш, үйеңкі және әртүрлі көшеттер. Тұрғындардың бізді белсенді қолдап, сенбі күні таңертең өзінің отбасылық ағашын отырғызуға арнағанына қуаныштымын», — деп хабарлады Постников.
«Біз бұл акция туралы тұрғындардың ортақ чатынан білдік. Сауалнамадан өтіп, тіркелдік. Біз өз еліміз бен қаламызды жақсы көреміз, сондықтан, әрине, қатысуға шешім қабылдадық. Оның үстіне ағашта біздің атымыз жазылған биркасы болады. Бұл тамаша», — деді «Камал» ТК тұрғындары Анель мен Дмитрий.
Айта кету керек, ағаш отырғызу дендрологтардың басшылығымен өтті, Олар тұрғындарға жасыл-желекті дұрыс отырғызу жөнінде кеңес берді. Отырғызуды аяқтағандарды ыстық шай мен тамақ күтіп тұрды.
«Сіздің ағашыңыз тамыр жайып өсуі үшін бірнеше қарапайым ережелерді сақтау керек. Ең біріншісі — сапалы отырғызу материалдары болуы керек. Көшеттер тегіс, тіліксіз, тамыр жүйесі жақсы болуы тиіс. Екіншісі — агротехникалық нормаларды сақтау: әрбір ағаш отырғызатын орынға дренаж қабатын салу, ауыспалы қабат қосу немесе топырақты толықтай ауыстыру қажет, өйткені бізде топырақ жағдайы ауыр. Үшіншісі — отырғызуға күтім жасау, әсіресе оның өмірінің алғашқы екі жылында. Үнемі суару, уақытында тамақтандыру керек», — деді BI Group бас дендрологы Александр Климчук.
«Біз балаларымызбен әрдайым осындай іс-шараларға қатысамыз. Бұл қызықты және біз балаларымызға қоршаған ортаға деген қамқорлығын арттыруға тырысамыз. Бүгін біз тегін алма ағашымызды отырғыздық және келесі жылы оның жемісін көре аламыз деп үміттенеміз», — деді «Камал» ТК тұрғыны Гүлжана.
«Камал» ТК-де тұратын орыс тілі пәнінің мұғалімі Күлкен Байжанова елордада саябақтар мен қоғамдық орындар жетіспейді деп есептейді. «Мен бұл акция туралы естігенімде қатты қуандым. Екі алмұрт ағашын отырғыздым. Менің ойымша, бұл өте керемет, өйткені біздің ауданда саябақтар мен қоғамдық орындар аз. Саябақтар мен адамдарға серуендеуге болатын орындар көбірек болғанын қалаймын. Бұл компанияның жақсы бастамасы, бірақ бұл тек басы ғана және қаламызда осындай орындар көбейеді деп үміттенеміз. Мен міндетті түрде өз ағаштарымды уақытында суарып, күтіп-баптайтын боламын. Мен бұл ағаштардың менің ұрпақтарыма қалғанын қалаймын», — деп атап өтті педагог.
«Қалалардағы сәулет нысандары тез әрі қарқынды салынып жатыр. Ал есесіне, экологиялық ортаны дамыту мен қолдау қарқыны айтарлықтай артта қалып отырғаны өкінішті. Біз экологиялық және ұтымды тұтыну мәселелерінен тыс қала алмағандықтан, BI green экологиялық бастамасының іске қосылғанын қуана хабарлаймыз. Біздің орта мерзімді жоспарымызға көгалдандырудан басқа, нысандарымыздағы қоқысты сұрыптау енгізілді, кеңседе “PaperLess” қағазды орынды пайдалану тұжырымдамасын ұстанамыз: электрондық шарттарға көшу есебінен 150 мың құжатқа ЭЦҚ арқылы қол қойылды, ал бұл дегеніңіз – 2 млн. парақ қағаз. Біздің көтерген бастамаларымыздың ниеттес серіктестеріміз бен тұрғындарымыздың тарапынан қолдау тапқаны қатты қуантады», — деп түсіндірді BI Clients директоры Ержан Исмагелов.
Айта кетейік, холдингтің жоспарында отырғызу маусымының жабылуына дейін осындай сенбіліктерді тұрақты өткізу жоспарланған. Келесі нысандар көгалдандыру аумағына айналады: Vela Village ТК; «Арнау» ТК, Adal ТК; ЖК Garden Village; NuraEsil ТК; Park Avenue ТК; Panorama Park ТК; Dream City ТК; Crocus City ТК; Expo Boulevar ТК; Promenade Expo ТК.