Нұр-Сұлтанда үй-күйсіз адам жанармай құю станциясын тонады

Нұр-Сұлтанда үйсіз адам жанар-жағармай құю станциясының қызметкерлеріне сеніміне кіріп, кассадан ірі сомадағы ақшаны ұрлады. Тергеу барысында ер адам оқтын-оқтын жанар-жағармай құюға келіп, жанармай құюшыға қызмет көрсетіп, кейде көліктің алдыңғы әйнектерін тиын-тебенге жуып отырғаны анықталды.

«Ағымдағы жылдың 15 шілдесінде күдікті ЖҚС-да түнеуді сұрады, себебі тұрақты тұрғылықты жері болмағандықтан, шаруашылық бойынша көмек көрсетіп,  орнына түнеуді сұрайдыі. Жұмысшылар сол күні жанармай құятын адамның болмауына байланысты оны бір түнге қалдырды. Түн ортасында, сағат 04.30 шамасында қосалқы қызметтік бөлмеден шығып, кассаға беттеді. Кассирдің ұйықтап қалғанын пайдаланып, еркін қолжетімділік арқылы ақшалай қаражатты жасырын ұрлап әкетті, содан кейін белгісіз бағытта қашып кетті «, — деп хабарлады қалалық ІД.

18 тамызда жедел-іздестіру шаралары барысында аталған күдікті ШҚО-да ұсталып. елордаға жеткізіліп, өз кінәсін толықтай мойындады.

ҚР ҚК 188-бабы бойынша сотқа дейінгі тергеу басталды. Ұсталған адам уақытша ұстау изоляторына қамалды

Добавить комментарий