Ресей Мемлекеттік Дума депутаты Тумусов неліктен карантин мерзімінің қысқартылғанын айтты.
Мемлекеттік Думаның денсаулық сақтау жөніндегі комитеті төрағасының бірінші орынбасары Федот Тумусов Ресейде COVID-19 індетіне байланысты енгізілген карантин мерзімі жеті күнге дейін қысқарту негізді екенін мәлімдеді.
Ол коронавирустың уханьдық штамын жұқтырғанда инкубация мерзімі 14 күн болғанын атап өтті. Яғни вирус ағзаға түскен сәттен бастап, ол анықталғанға дейін екі апта болған. «Ал қазір бұл екі күн. Бүгін жұқтырсаң — ертең ауырып қаласың. Сондықтан бұл омикрон салдарынан орын алып отырған жағдайға байланысты», — деп түсіндірді Мемлекеттік Дума депутаты.
Оның айтуынша, омикрон анағұрлым контагиозды, сонымен қатар қысқа инкубациялық кезеңге ие.
18 қаңтарда Ресей вице-премьері Татьяна Голикова коронавирус жұқтырған науқастарға карантин мерзімі 14 күннен 7 күнге дейін қысқаратынын мәлімдеді. Ол тұрғындардың карантині мен зертханалық жолмен зерттеу тәсілдері өзге елдердегі сияқты оңтайландырылатынын атап өтті.