Шенеунікті жұмыстан шығару туралы шешімді этика кеңесі қабылдады. Қазақстан Республикасы Мемлекеттік қызмет істері агенттігінің Қарағанды облысындағы департаментінде өткен отырыста ауыл әкімін қызметінен босату ұсынылды, деп хабарлайды ведомствоның баспасөз орталығы Instagram-дағы парақшасында.
Бұқар жырау ауданындағы Ғабиден Мұстафин кентінің мемлекеттік қызметшісіне қатысты тәртіптік іс Этика жөніндегі кеңестің отырысында қаралды. Тексеру барысында бұл қызметшінің қызметтік автокөлікті мас күйінде жүргізгені анықталды.
Заңнама талаптарына сәйкес Этика жөніндегі кеңес мемлекеттік қызметшіні «атқарып отырған қызметінен босату» түріндегі тәртіптік жауапкершілікке тартуды ұсынды. Мұндай шаралар этика нормалары мен мемлекеттік қызметшілердің мінез-құлқын реттейтін заңдарды сақтау аясында қабылданып отыр.
Бұған дейін Жетісу облысында әкім Әлия Бақтиярова оқушыны қағып өлтіргені үшін сотталған еді. Әкім көлік құралдарын жүргізу құқығынан, 2 жыл 6 айға темір торға тоғытылды.