Дүниежүзілік денсаулық сақтау ұйымы (ДДСҰ) коронавирустық инфекцияға қарсы күрестегі табыстарға қарамастан Еуропа елдерін босаңсымауға шақырды.
«Қырағылықты жоғалтпаңыз, біз қабылданған шаралардың ауру жағдайларының санын азайтуға оң әсерін тигізіп жатқанын атап өтеміз. Бірақ босаңситын уақыт емес», — деді ДДСҰ сарапшысы Мария Ван Керкхове.
20 қарашадан бастап карантин шараларына байланысты жұқтыру саны күрт өсуінен кейін Еуропада COVID-19 ауруының саны азайды.
Рождество қарсаңында бірқатар елдер карантин кезінде енгізген санитарлық шектеулерді жеңілдете бастады. Мысалы, Францияда дүкендер ашылып жатыр. Польшада да сауда қайта жандана бастайды.
Бұған дейін Дүниежүзілік денсаулық сақтау ұйымының арнайы өкілі Дэвид Набарро Еуропаның 2021 жылдың басында коронавирустық инфекция пандемиясының үшінші толқынына тап болуы мүмкін деп мәлімдеген болатын.
«Олар бірінші толқынды бақылауға алғаннан кейін жазғы айларда қажетті инфрақұрылымды құруды өткізіп алды. Енді бізде екінші толқын болады. Егер олар қажетті инфрақұрылымды салмаса, бізде келесі жылдың басында үшінші толқын болады», — деді ол.