Манчестердің орталығында Ұлыбританияның мыңға жуық тұрғыны Палестинаны қолдау акциясына шықты. Бұл туралы The Times газеті жариялады.
Сенбі күні «Селтик» футбол клубының жанкүйерлері Шотландияның Глазго қаласында өткен «Килмарнок» командасына қарсы ойында Палестинаны қолдау мақсатында баннерді ілді. Сонымен қатар, ирландиялық ұлттық-республикалық «Шинн фейн» партиясының жастар қанаты X әлеуметтік желісіндегі (бұрынғы Twitter) аватаркасына Палестинаның туын қойды.
Лондон да шетте қалмады: елордада Палестина-Израиль қақтығысының шиеленісуіне байланысты «бірнеше кішігірім текетірестен» болғаны туралы хабарланды.
Бұған дейін 9 қазанда Лондонда Израиль елшілігінің жанында Палестинаны қолдау акциясы жоспарланғаны белгілі болды. Шиеленістің өсуіне байланысты Лондон билігі иудей қауымы тұратын жерлерде қауіпсіздік шараларын күшейтті.
Біріккен Корольдік ІІМ басшысы Суэлла Браверман 2021 жылы ХАМАС палестиналық қозғалысы террористік ұйымдардың тізіміне енгенін ескертіп, оның рәмізін көрсету және қозғалыстың әрекеттерін қолдағаны үшін қылмыстық жауапкершілік барын атап өтті.
Ал Ұлыбритания Премьер-министрі Риши Сунак резиденциясының қабырғасында жексенбі күні кешккісін Израиль туы бейнеленді. Бұған дейін Сунак Израиль Премьер-министрі Биньямин Нетаньяхумен телефон арқылы сөйлесіп, Израильге қажетті қолдау көрсетуге дайын екенін айтқан.