Малидің солтүстігінде Тұрақты стратегиялық құрам (CSP) коалициясының көтерлісіші-туарегтер Менака, Кидаль, Гао, Тимбукту және Тауденни қалаларына баратын бірнеше автожолдарды жауып тастады, деп хабарлады AFP агенттігі топтың мәлімдемесіне сілтеме жасай отырып.
Агенттік жариялаған құжатта Малидің солтүстігіндегі негізгі елді мекендерге баратын жол жабылып, азық-түлік тауарлары мен көлік құралдарының барлық түрлерін кіргізбейтіні айтылған. Көтерілісшілер соңғы апталарда Мали Қарулы күштерінің шабуылы нәтижесінде бірқатар елді мекендерді, оның ішінде Кидаль қаласын уысынан шығарып алды.
Mali Web порталының ақпаратына сәйкес, Мали армиясы БҰҰ бітімгершілер базасы орналасқан Агелок қаласын өз бақылауына алды. Бұған дейін көтерілісші-туарегтер Мали үкіметімен қарулы күрес қайта басталғанын жариялаған болатын, ол 2015 жылы Алжир келісімдеріне қол қойылғаннан кейін тоқтатылған еді.
Аталған келісім Малидің солтүстігіндегі жауынгерлік іс-қимылдарды тоқтатып, туарегтер тұратын өңірлердің автономиясын кеңейтуді, сондай-ақ көтерілісшілерді елдің Қарулы Күштеріне интеграциялауды көздеді.