«Майқайыңалтын» АҚ кен байыту фабрикасында автобус шұңқырға құлағаннан кейін 1 сәуірге дейін жұмысын уақытша тоқтатты, деп хабарлайды «Павлодар-онлайн». Шахталарда жұмыс тоқтатылуына байланысты кәсiпорынның шикiзат қоры таусылып жатыр.
Фабрика қызметкерлеріне жұмыс тоқтап қалуына байланысты жалақының 50% -ы төленетін болады. Павлодар облысы еңбек басқармасы басшысының міндетін атқарушы Абылай Сабыров жұмысшыларды толық босату қарастырылмайтынын және 1 сәуірден бастап кәсіпорын өндірісті қайта бастауды жоспарлап отырғанын растады.
Еңбек басқармасының ақпаратына сәйкес, қазіргі уақытта 153 қызметкер жұмыссыз отыр, оларға жалақысының 50%-ы төленеді. Олардың ішінде 109 адам — шахтер, ал 44 — тау-кен техникасы учаскесінде жұмыс істейтін мамандар.
Еске салайық, 4 қаңтарға қараған түні шақырту алғаннан кейін шахтаға бара жатқан құтқарушылар мінген автобус алтын кенішінің жанында шұңқырға құлаған. Үш құтқарушы мен жүргізуші автобуста болған, олардың екеуінің денесі оқиғадан кейін табылған.