Ашық ақпарат көздерінің хабарлауынша, Махамбет ауданының әкімі 31 шілде түнде Жайыққа батып кетті.
Газеттің мәліметінше, Ринат Жанқылыш Махамбет ауданы Ортақшыл ауылындағы арнайы жабдықталмаған жерге шомылған. Әкімнің жанында адам болғаны-болмағаны белгісіз.
Оның денесі әлі табылған жоқ. Аталған ақпаратты аудан әкімдігінің қызметкерлері растады.
Әкімнің суға батқаны туралы хабар Махамбет ауданының ТЖД кезекші бөліміне 31 шілде күні сағат 22:38-де келіп түскен. Жанқылышов белгісіз жағдайда Жайыққа батып кетті.
Оқиға орнына Атыраудан бір техника мен үш құтқарушы, сондай-ақ ТЖД бастығы аттанды. Жағдайдың мән-жайлары анықталуда.
Ринат Жанқылышов 1982 жылы 2 желтоқсанда Атырауда дүниеге келген. Еңбек жолын 2005 жылы Алматы қаласы экономикалық қылмыстар мен сыбайлас жемқорлыққа қарсы күрес департаментінің тергеушісі болып бастаған. 2006-2018 жылдары бірқатар жеке кәсіпорындарды басқарды. 2018-2019 жылдары Атырау қалалық мәслихатының хатшысы болды. 2019-2020 жылдары Атырау қаласы әкімінің орынбасары қызметін атқарды.