Венесуэла Президенті Николас Мадуро АҚШ салған барлық санкцияларды толығымен және шартсыз алып тастауды талап етті. Ұлттық ассамблеяда отырған саяси партиялардың өкілдерімен кездесу барысында ол «экономикаға, қоғамға, Венесуэлаға қарсы» санкцияларды алып тастау қажет екенін атап өтті.
«Біз үн қатып, Америка Құрама Штаттарынан экономикаға, қоғамға, Венесуэлаға қарсы барлық санкцияларды толығымен және түбегейлі алып тастауды талап етуіміз керек», — деп мәлімдеді Мадуро.Президент АҚШ кейбір компанияларға уақытша лицензия беріп, оларға елде уақытша жұмыс істеуге рұқсат бергенін, бірақ бірде-бір санкция алынып тасталмағанын атап өтті.
АҚШ пен оның одақтастары салған 930 біржақты шектеу шараларының аясында әсіресе мұнай секторына қатысты қатаң санкцияларға ұшыраған Венесуэлаға $232 млрд. астам сомада шығын келтірілді. Оппозициямен келіссөздер нәтижесінде 6 ай мерзімге мұнай және алтын өндіру салаларындағы коммерциялық транзакцияларға уақытша лицензия берілді, акциялар саудасына және PDVSA борыштық міндеттемелеріне шектеулерді алып тастайды.