Мәскеуде Ресейдің мобилизацияның 500-ші күніне орайластырылған «Үйге апарар жол» акциясында полицейлер журналистер мен құқық қорғаушыларды ұстады.
Ұсталғандардың арасында «Осторожно, новости», SotaVision, «Коммерсант», France Press, Spiegel өкілдері, сондай-ақ «За права человека» қозғалысының белсенділері бар.
«ОВД-Инфо» мәліметінше, автозакта 27 адам болған, олардың барлығы «Китай-қала» полиция бөлімшесіне жіберілді.
Қозғалысқа қатысушылардың бірі Мария Андреева ұсталғандардың арасында мобилизацияланған адамның туысы бар екенін айтты. Ол автозактың қозғалысын бөгемек болған, бірақ полиция оны шетке итеріп жіберді.
Мәскеу уақыты бойынша сағат 11:45-те прокуратура қала орталығындағы рұқсат етілмеген акцияға қатысушыларға Ресей заңнамасына сәйкес жауапкершілік барын атап көрсетіп, ескерту жасады. Іс-шара Кремль қабырғасы жанындағы Александр бағында өтті, оған қатысушылар, соның ішінде ерлер мен әйелдер Белгісіз солдаттың зиратына гүл шоқтарын қойды.
Ресейде мобилизация 2022 жылы басталды. Ресми мәліметтер бойынша, әскерге 300 мың адам жіберілді.