Жексенбі күні Қатар Премьер-Министрінің орынбасары — Сыртқы істер министрі шейх Мұхаммед бен Абдулрахман Әл Тәнимен ресейлік әріптесі Ресей Сыртқы істер министрі Сергей Лавровпен кездесу үшін Мәскеуге келетіні белгілі болды.
Бұл туралы сыртқы саясат ведомствосының ресми өкілі Мажид бен Мұхаммед әл-Ансари хабарлады.
«Аталған сапар Украинадағы шиеленіс салдарынан әлем бастан кешіріп жатқан ауыр кезеңмен байланысты», — дейді Катар ақпарат агенттігі шенеуніктің сөзін келтіріп. Маджид бен Мұхаммед әл-Ансари атап өткендей, келіссөздерде «Ресей-Украина дағдарысы төңірегіндегі соңғы оқиғаларды, сондай-ақ қалыптасқан жағдайды реттеу үшін дипломатиялық күш-жігерді қолдану мәселесі» талқыланады деп жоспарлануда.
Катар СІМ басшысы «Украинадағы қақтығысты шешудің жалғыз жолы бейбіт жолмен реттеу» екенін баса айтты.
Катар сыртқы саяси ведомствосының басшысы жексенбі күні Украинаның сыртқы істер министрі Дмитрий Кулебамен телефон арқылы сөйлесіп, ел аумағындағы қақтығысып жатқан тараптардың шиеленісті күшейтуге апаратын әрекеттерден аулақ болу маңызды екенін атап өтті.