Тергеушілер Мәскеудің оңтүстік-шығысындағы көпқабатты тұрғын үйдің тұрғындарының улану фактісі бойынша қылмыстық іс қозғалғанын айтты.
Ресей Тергеу комитетінің (РТК) Мәскеу басқармасының баспасөз қызметі үш адам уланғанын хабарлады.
Тергеу амалдары РФ ҚК-нің 238-бабы («Қауіпсіздік талаптарына сай келмейтін қызметтер көрсету») бойынша жүргізіледі. ТЖ салдарынан 1974 және 1995 жылы туған екі әйел зардап шекті — анасы ауруханадан шығарылды, дәрігерлер оның қызын үйіне жіберуді жоспарлап отыр, деп хабарлады агенттікке құқық қорғау органдарындағы дереккөз.
15 тамызда РТК басшысы Александр Бастрыкин адамдардың улануына байланысты қылмыстық іс қозғауды тапсырған. Тергеу мәліметтері бойынша, отбасы тұрған үй электр қуатынан ажыратылған. Сарапшылар онда тұрмыстық газдың шығып кетуін анықтамады.
Үш адамның белгісіз заттан уланғаны туралы 14 тамызда кешкісін белгілі болды. 40 лет Октября даңғылында бес қабатты үйдің бірнеше тұрғынның жағдайы күрт нашарлаған. Екі әйел ауруханаға жатқызылды, қазір олардың жағдайы тұрақты.