Ұлытау облысында қысқы ауа райы салдарынан жылқылар жаппай қырылуда. Бұл туралы журналист Динара Сатжан хабарлады.
«Менің туған ауылым Жаңаарқа мен Ұлытау ауданындағы бірнеше ауылдарда жұт болып жатыр. Қысқы ауа райына байланысты көптеген жылқылар жаппай қырылды», — деп атап өтті Динара Сатжан.
Ол жылқылардың өлекселері Жаңаарқа мен Қаражал арасындағы тасжолдың бойында шашылып жатқанын айтты. Ауа райының қолайсыздығына байланысты салдарынан жылқылар, тебініп қар астынан азығын таба алмауда.
«Өлекселерді кім жинайды? Ауыл тұрғындарына кім көмек көрсетеді? Жылқылардың өлекселерін қазір жинамаса, облыста биологиялық апат болады», — дейді Сатжан.