Ұлытау облысында ер адамның денесі табылды. Оның жеке басы анықталды — бұл екі апта бұрын жоғалған бақташылардың бірі.
Бұл туралы өңірдің Төтенше жағдайлар департаменті хабарлады.
Еске салайық, 1964 жылы туған «Кіші киік» қыстауының жұмысшысы 31 желтоқсанда белгісіз бағытта жаяу шықты. Ер адамның жоғалғаны туралы арыз 2 қаңтарда келіп түсті.
Жоғалған адамды 8 тәулік бойы ТЖ департаментінің, Полиция департаментінің және жергілікті атқарушы органдардың қызметкерлері іздеді.
9 қаңтарда Ұлытау ауданында Қоскөл ауылынан 18 шақырым жерде ер адамның мәйіті табылды. Денені қыстақтың иесі таниды. Өлімнің себебі анықталуда.
Сонымен қатар, «Тоба» қыстағының жұмысшысын іздеу жұмыстары жалғасуда. 1978 жылы туған қойшының жоғалғаны туралы 3 қаңтар күні сағат 18:30-да белгілі болды. Ер адам мал іздеуге шығып, қайтып оралмады.
Іздеуге ҚР Төтенше жағдайлар министрлігінің авиациясы тартылды.