Ұлыбритания билігі Украинаға гуманитарлық көмек көрсету шараларын жүзеге асыру үшін $57 млн бөлу туралы шешім қабылдады.
$19 млн Украина үшін БҰҰ гуманитарлық көмек қорына және ұйымның балалар қорына беріледі
Ұлыбритания Украинадағы қақтығыстан зардап шеккен адамдарға көмек ретінде £45 млн ($57 млн) бөледі. Корольдік СІМ таратқан хабарламада айтылғандай, бұл қаражат БҰҰ құрылымдары мен гуманитарлық ұйымдарға арқылы жіберіледі.
«Ұлыбритания бөлген қаражат Украинада жыныстық зорлық-зомбылық пен қанауға ұшыраған әйелдер мен балаларды қолдауға бағытталады», — деп мәлімдеді ведомство басшысы Лиз Трасс.
£15 млн ($19 млн) Украина үшін ашылған БҰҰ гуманитарлық көмек қорына және БҰҰ Балалар қорына беріледі. Тағы £10 млн ($12,6 млн) Молдавиядағы босқындарға көмектесетін гуманитарлық ұйымдар, ал £5 млн ($6,3 млн) — Халықаралық Қызыл Крест және Қызыл Жарты Ай қоғамдары федерациясына бөлінеді.
Ұлыбритания Украинаға гуманитарлық көмек көрсетуге, сондай-ақ ең көп украиналық босқындарды қабылдаған елдерге қолдау көрсетуге бөлген қаржы пакетінің жалпы мөлшері £220 млн ($278 млн) құрайды.
