Ұлыбритания Үкіметі ресейлік әскери саланы қаржыландырып, қолдап отырған тұлғалар мен ұйымдарға қатысты жаңа санкциялар салу туралы шешім қабылдады.
Ашық ақпарат көздері британ үкіметінің баспасөз қызметіне сілтеме жасап, Беларусь, Қытай, Сербия, Түркия, БАӘ және Өзбекстан компаниялары санкцияларға іліккенін хабарлады. Олар — Беларусь режимі үшін әскери технологияларды әзірлеумен айналысатынын және Ресей Федерациясының Украинаға қарсы әскери іс-қимылдарын қолдап отырған Беларусьтің «Дисплей» конструкторлық бюросы» АҚ; ресейлік кәсіпорындарға авиациялық бөлшектер мен аксессуарларды жіберген AVIO CHEM серб компаниясы; Ресейге бөлшектерді импорттау кезінде делдал болған MVIZION өзбек компаниясы; сондай-ақ Ресейге батыс электроникасын жеткізуге қатысы бар Smart Trading Limited түрік компаниясы.
Сонымен қатар, үш Қытай компаниясы — Asia Pacific Links Limited, Sinno Electronics Co, Limited және Xinghua Co., Limited санкцияға ілікті, олар Ресейдің әскери қимылдары үшін аса маңызды тауарларды жеткізген.
Сондай-ақ Ұлыбритания санкциялық тізімге ұшқышсыз ұшақтар мен зымыран компоненттерін әзірлеумен, сондай-ақ негізгі электрондық бөлшектерді импорттауға және жеткізуге байланысты ресейлік 31 жеке және заңды тұлғаны енгізді.