Ұлыбритания қорғаныс министрі Грант Шэппс Батыс Ресейге қауіп төндіріп тұрған жоқ деп мәлімдеді. Ол Польшаға сапары кезінде GB News телеарнасына берген сұхбатында Ресей президенті Владимир Путиннің ядролық мәселеге қатысты сөздеріне түсініктеме бере отырып осылай деп мәлімдеді.
«Ресей мемлекетіне қауіп төніп тұрған жоқ. Қазір мен жүрген Украина, Польша және олардың батысындағы мемлекеттерге қауіп бар деп қорқамын», — деп атап өтті Шэппс. Ол Ресей әскерлерін Украина аумағынан шығару керек екенін айтты.
Бұған дейін Ресей Президенті Владимир Путин Ресейдің егемендігі мен тәуелсіздігіне қауіп төнген жағдайда ядролық қаруды қолдануы мүмкін екенін мәлімдеген болатын. Алайда, ресейлік ядролық доктринаға сәйкес, ядролық қаруды пайдалану мемлекетке нақты қауіпті қоса алғанда, белгілі бір жағдайларда ғана қолдануға болады.