Al Masirah телеарнасының хабарлауынша, Ұлыбритания мен АҚШ әскерлері Йемендегі хуситтердің нысандарына төрт рет соққы берді. Эль-Ходейда провинциясында орналасқан Эль-Джаббана ауданына шабуыл жасалды. Қазіргі уақытта провинцияның әуе кеңістігінде авиация ұшулары тоқтаған жоқ.
«Ансар Аллах» қозғалысының Израиль аумағына шабуыл жасауға және Қызыл теңіз және Баб-эль-Мандеб бұғазы суы арқылы Израильге қатысы бар кемелердің өтуіне тосқауыл қоятынын жариялағаннан кейін қақтығыс шиеленісті.
Былтыр қараша айында қақтығыс басталғалы бері хуситтер Қызыл теңіз бен Аден шығанағындағы азаматтық кемелерге шабуыл жасады. Осы әрекеттерге жауап ретінде АҚШ пен Ұлыбритания халықаралық коалиция құрып, Қызыл теңізде навигация және кемелерді қорғау еркіндігін қамтамасыз ету үшін Prosperity Guardian операциясын бастады.
Биыл 12 қаңтарда Ұлыбритания мен АҚШ Қарулы күштері ұшақтар, корабльдер мен сүңгуір қайықтарды пайдалана отырып, хуситтердың нысандарына алғашқы шабуылдарын жасады. Зымырандар мен дрондар сақталған орындар, сондай-ақ бүлікшілердің радиолокациялық станциялары шабуыл нысанына айналды.