Александр Лукашенко Ресей президентімен кездесуге барғанда алған шабаданның ішінде не болғанын айтты.
Беларусь Президенті онда беларустік арнайы қызметі дайындаған талдамалық материалдар болғанын мәлімдеді.
Бұл туралы Лукашенко Ресеймен ынтымақтастық мәселелері жөніндегі кеңесте мәлімдеді.
«Егер біз шабаданның ішіндегі барлық құжатты тікелей эфирде жариялайтын болсақ, онда әңгімеден әңгіме шығып, қызу талқыға түсетін еді», — деді ол.
Лукашенконың айтуынша, президенттер мұндай ақпаратпен бұрыннан алмасып келеді, егер бұл екі тараптардың біріне қатысты болса.
Лукашенко құжаттар Беларусь пен Ресей төңірегіндегі ахуалға, АҚШ-қа, Еуропалық одаққа және Қытайға қатысты екенін нақтылады.
«Бұл біздің ведомстволардың, ең алдымен арнайы қызметтердің, мен президент Путинді таныстырғым келген талдаушының атқарған ересен зор жұмысы», — деп толықтырды ол.
Путинмен кездесуде Лукашенко Минскіде «Афина-Вильнюс» бағытында ұшқан ұшақтың мәжбүрлі түрде қонуына қатысты жағдайды түсіндіру үшін «кейбір құжаттарды ала кеткенін» айтты.