Ұлттық банк төрағасы ҚР-дағы инфляцияға қатысты пікір білдірді

Ұлттық банк төрағасы Қазақстан президентіне неліктен елімізде инфляция өсіміні ұлғайғанын айтып берді.

2021 жылғы шілденің қорытындысы бойынша инфляция 8,4%-ды құрады.

Президент Қасым-Жомарт Тоқаев Ұлттық Банк төрағасы Ерболат Досаевтың есебін тыңдады, деп хабарлайды Ақорданың сайты.

Ұлттық банк басшысы биылғы жеті айдағы ақша-несие саясатын іске асырудың алдын ала қорытындылары туралы есеп берілді. .

Ерболат Досаев коронавирустың жаңа толқынының таралуына байланысты Халықаралық валюта қорының әлемдік экономиканы қалпына келтіру қарқыны мен қаржы нарықтарын түзетуге қатысты болжамдарды қайта қарағаны жөнінде ақпарат берді.

«Әңгімелесу барысында әлемдік экономиканы қалпына келтіруде инфляция мен инфляциялық болжамдар басты кедергі екені атап өтілді. Мемлекет басшысына еліміздегі инфляцияның жылдам өсу себебі (2021 жылғы шілдедегі қорытынды бойынша – 8,4%) және инфляцияны тұрақтандыру мақсатында Ұлттық банктің базалық мөлшерлемені (9,25%-ға дейін) көтеру туралы шешімі жөнінде мәлімет берілді», — делінген хабарламада.

Қазақстанда шілде айының соңында жылдық инфляция 8,4%-ға жетті

Ерболат Досаев карантиндік шектеулер кезінде іскерлік белсенділікті біртіндеп қалпына келтіру, Ұлттық банктің алтын-валюта қоры мен Ұлттық қордағы қаражаттың жағдайы, сондай-ақ, зейнетақы активтері өсімінің оң динамикасы туралы да баяндады.

Президентке төлем балансының ағымдағы шоты туралы айтылды. Алдын ала мәліметтерге қарағанда, бірінші жартыжылдықта экономикалық белсенділіктің артуы мен тұтынушылық импорттың өсуі салдарынан 1,7 миллиард АҚШ доллары көлемінде тапшылық қалыптасқан.

Қасым-Жомарт Тоқаев Ұлттық қордың активтерін сақтауға және арттыруға ерекше назар аударып, Үкіметпен бірлесіп инфляцияны тұрақтандыру бойынша тиімді шаралар қабылдауды тапсырды.

Добавить комментарий