Лондон мэрі Садик Хан үкіметке Кремльге қатысы бар және жемқорлық жасады деген күдікке ілінген ресейлік олигархтардың мүлкін тәркілеуді ұсынды. Ол жылжымайтын мүлікті сатудан түскен қаражатты Лондонда 4 мыңнан астам қолжетімді үй салу үшін, оның ішінде РФ агрессиясынан зардап шеккен украиндық босқындар үшін қолдануда ұсынды.
Ұлыбритания Тұрғын үй құрылысы министрі Майкл Гоувқа жолдаған хатында Хан президент Путиннің одақтастарының мүлкін тәркілеу жөніндегі үкіметтің күш-жігерін қолдайтынын білдірді, бірақ аталған күш-жігер алысқа бармайтынын мәлімдеді. Ол сондай-ақ жемқорлыққа немесе Кремльмен байланысы бар ресейліктердің жылжымайтын мүлік құны 1,1 млрд фунт стерлингке бағаланады және бұл қаражат әлеуметтік қажеттіліктерға жұмсалуы мүмкін екенін атап өтті.
Лондон мэрі Путиннің жақын төңірегіндегі адамдар сатып алған мүлікке арест салу және түскен қаражатты мұқтаждарға көмектесу үшін қолдану жөнінде шұғыл шаралар қабылдау қажеттігін атап өтті. Оның пікірінше, салынған үйлердің бір бөлігі украиндық босқындарға баспана ретінде беріледі.
Ресейдің Украинаға баса көктеп кіруінің екінші жылы аясында осындай ұсыныс жасалып отыр.