ҚР Премьер-Министрі Әлихан Смайылов Қазақстанның Тәуелсіз Мемлекеттер Достастығы (ТМД) аясындағы интеграциялық байланыстарды нығайтуға мүдделі екенін айтты. Ол Президент Тоқаев ұсынған ТМД форматындағы өзара іс-қимылды жандандыруға бағытталған басымдықтарды атап өтті.
Смайылов негізі бағыттардың бірі мәдени-гуманитарлық байланыстарды кеңейту, денсаулық сақтау, білім беру және спорт салаларындағы өзара ынтымақтастықты кеңейту екенін атап өтті. Қазақстан 2024 жылдың ТМД елдерінде Волонтерлік қозғалыс жылы деп жариялануын құптайды.
Ол денсаулық сақтау саласындағы бірлескен күш-жігердің маңыздылығын атап өтіп, қызылша індетінің өршуінн қоса алғанда, қазіргі ахуал тұрғысынан ынтымақтастықты жандандыру қажет екенін айтты. Қазақстан Дүниежүзілік денсаулық сақтау ұйымының қолдауымен алғашқы медициналық-санитариялық көмек бойынша елдер коалициясын құруды ұсынды.
Жиын соңында Премьер-Министр ТМД елдерінің мәдениет саласындағы көпжоспарлы өзара іс-қимылды дамыту жөніндегі жалпы тәсілдері Мәдени ынтымақтастық перспективалары туралы мәлімдеменің жобасында көрсетілгенін атап өтті.