2022 жылғы 24 ақпанда Ресей әскерінің Украина аумағына баса көктеп кіруінің бірінші кезекте тарихи, мәдени және геосаяси байланысы бар, дейді батыс саясаттанушылары. «Украина Ресейдің ықпал ету аймағында болып келді, тіпті елдің құрамында болған. Ресей Украинаны ешқашан тәуелсіз дербес мемлекет ретінде қабылдамаған. 1991 жылы тәуелсіздігін алуы украиндықтар үшін баға жетпес қуаныш болды.
КСРО-ның ыдырағаннан кейін Украина асыға күткен тәуелсіздігін алды. Украинада демократия әлі дамып келе жатқаны құпия емес, бірақ ол украиндықтардың санасында ұлт мәдениетінің ажырамас бөлігі ретінде қалыптасты. Келесі президенттің кім болатыны және қандай үкімет келетіні халыққа байланысты. Егер халық өздері сайлаған адам елді қалай басқаратынын ұнатпаса, ол адам қайта сайланбасы анық. Ресейліктер үшін демократиялық жүйе алдымен иллюзияға, содан кейін тіпті батыстық үрдіске айналды. Ақыр соңында екі ел азаматтарының санасы күрт өзгере бастады. Бұл жағдайда Кремль пропагандасы маңызды рөл атқарды», — деп жазады саясаттану саласындағы сарапшылар.
Әңгіме ресейліктерге Украинадағы ұлтшылдық және мемлекеттің ұлтшылдық идеяларының ықпалы туралы жариялап жүрген бағдарламалар мен жаңалықтар туралы болып отыр. Украинаның батыс бөлігін ресейліктер «бандеровшылар» ретінде қабылдай бастады. Украиналық құқық қорғаушылардың айтуынша, тіпті Қырым аннексияланып, соғыс қимылдары басталғаннан кейін Донбасста және Украинаның басқа қалаларына Ресейден келген туристерге немесе орысша сөйлейтін адамдарға тілдік немесе мәдени негізде ешқандай қысым жасалмады.
Ресей мен Украина көршілес ел болғандықтан жылы қарым-қатынаста болып, өзара байланыс орнатқан абзал. Ал бұл көбінесе пропагандаға байланысты. «Ақпараттық қорғалу және пропагандамен тұрақты күрес соғыс аяқталғаннан кейінгі Украина мен Ресей арасындағы жаңа қарым-қатынас орнатуға мүмкіндік береді», — деп есептейді саясаттанушылар.
Болашақта Украина ел аумағына РФ-ның ақпарат таратуына жол бермеу үшін ақпараттық тосқауыл қою керек.
«Ресейліктерге украиндықтар бауырлас халық емес деп миларын улап жатыр, ал бұл мифті Кремль ойлап тапқан. Бізде түрлі мәдениеттер мен әртүрлі ой-пікірлер бар. Сонымен қатар украиндықтар ешқашан Ресейге қарсы соғысуды қаламаған және басты жауы деп есептеген емес. Ресейліктер мен украиндықтар — екі түрлі халық, болашақта тағы да соғыс болмауы үшін осыны қабылдаған жөн», — деп жазады украиналық саясаттанушылар.