Бірнеше жарылыс салдарынан 46 адам қаза тапқан Qarmet компаниясы басқаратын Костенко атындағы шахтада көмір өндіру уақытша тоқтатылды. Шахтаның қазіргі жағдаймен танысу үшін Qarmet тобы апат болған аймаққа жақын 600 метрден астам тереңдікке дейін түсіп сол маңайдың жай-күйін көзбен көрді.
Шахта директоры Андрей Бойко нысанда жүргізілген тексерулердің қорытындыларын, болған жағдайдың себептері мен салдарын жою бойынша жоспарланған жұмыстарды, көмір өндіруді қайта жандандырудың келешегі туралы баяндады. Андрей Лаврентьев пен Вадим Басиннің атынан Qarmet басшылығы жүргізіліп жатқан жұмыстарға ризашылықтарын білдірді. Алайда трагедияның қайталану ықтималдығы әбден жойылғанға дейін шахтада өндірісті қайта бастауға тыйым салынды.
Көмір департаментінің инженерлері үшін тиісті жұмысты орындауға барлық қажетті жағдай жасалып отырғандығын басшылық тарапы атап өтті. Бұған дейін ТЖ министрі Сырым Шәріпханов шахтадағы апатқа байланысты 28 адам жауапкершілікке тартылатынын айтты, сондай-ақ жұмыс берушінің жүз пайыз кінәсін анықтады. Qarmet басшылығы жүргізілген күрделі жұмысты құптайды, алайда жұмысты қайта бастамас бұрын толық қауіпсіздікті қамтамасыз етуді талап етті.