Ресейде коронавирустық инфекцияның жаңа штаммының алғашқы жағдайы анықталды – COVID-19-дың британдық штаммы .
Әлемнің қырықтан астам елінде мутвцияланған вирус анықталды. ҚР Денсаулық сақтау министрлігі жағдайға түсініктеме беріп, Қазақстанда жаңа штаммның таралуын болдырмау шаралары туралы айтып берді.
“Қазақстанда Ұлыбританияда анықталған мутвцияланған штамм анықталмады. Вирустың ауа-тамшылы механизмін ескере отырып, оның біздің елге әкелу қаупін біржақты жоққа шығаруға болмайды. Қазақстанға коронавирустық инфекцияның таралуының алдын алу мақсатында мемлекеттік шекара арқылы өткізу пункттерінде шетелден келген адамдарға бақылау жүргізіледі. Қазақстан Республикасының мемлекеттік шекарасын кесіп өту кезінде барлық келген адамдар, ілесіп жүрген адамдарда анықтама болған жағдайда 5 жасқа дейінгі балаларды қоспағанда, Қазақстан Республикасының мемлекеттік шекарасын кесіп өткен сәтте үш тәуліктен аспаған ПТР әдісімен COVID-19 тестінің теріс нәтижесі бар анықтаманы ұсынуға міндетті. Қазақстан Республикасының азаматтары анықтама болмаған жағдайда ПТР әдісімен COVID-19-ды зертханалық тексеру үшін үш тәулікке дейін карантиндік стационарға оқшаулауға жатады”, – деп хабарлады ҚР Денсаулық сақтау министрлігі.
Естеріңізге сала кетейік, коронавирустың жаңа штаммы алғаш рет 2020 жылғы желтоқсанның ортасында Ұлыбританияда анықталды, бұл елде жаңа қатаң локдаунға алып келді.
Сарапшылардың пікірінше, жаңа мутация аурудың тез таралуына мүмкіндік береді, дегенмен ол анағұрлым ауыр симптомдарға әкеліп соқтыратынына дәлел жоқ
