Ресейлік оппозиционер Алексей Навальный Мәскеуден 85 шақырым жерде орналасқан колонияда қамауда отыр. Адвокаттар оны азаптап жатқанын, оған лайықты медициналық көмек көрсетілмей жатқанын және құқық қорғаушыларды оппозиционермен кездесуге кіргізбегенін мәлімдейді.
Сәрсенбі, 24 наурыз күні Алексей Навальныйдың жақтастары саясаткердің денсаулығы күрт нашарлағанын, оның белі қатты ауырып, аяғы да сырқырай бастағанын хабарлады.
Адвокат Ольга Михайлова сәрсенбі күні Навальныйды МРТ-дан өткізу үшін түрмеден тыс жердегі ауруханаға жеткізген, алайда дәрігерлер медициналық құпия деп оның нәтижелерін айтпағанын хабарлады. Ол сондай-ақ шақыртылған дәрігерді колонияға жібермегенін, дәрі-дәрмек беруге рұқсат етпегенін айтты.
Бір аптада медициналық көмек ретінде ол күніне Ибупрофен препаратының небәрі екі таблеткасын және май алады.
Жазаны орындау жөніндегі федералдық қызметі Навальныйдың жақтастарына берген жауабында оппозиционердің жағдайы тұрақты әрі қанағаттанарлық делінген, бірақ құқық қорғаушылардың пікірінше, бұл шындыққа жанаспайды.
Бейсенбі, 25 наурызда адвокаттар өздерінің қорғауындағымен кездесті. Адвокат Вадим Кобзевтің айтуынша, Навальный 4 аптадан бері белі қатты ауыра бастағанын, бірақ ешқандай медициналық көмек алмағанына шағымданды. Оған шақыртылған дәрігерді кіргізуге және ұсынылған медициналық препараттарды беруге рұқсат етпей жатыр.
Тұтқынды тексерген түрме неврологы оның диагноз туралы, сараптама нәтижесі туралы айтпай отыр. Навальныйдың өзі «жүйке қабынуына байланысты ауру дамуының классикалық көрінісі» екенін хабарлады. Оппозиционер адвокаттары арқылы медициналық көмек алу құқығын және сегіз сағаттық ұйқыны қамтамасыз етуді талап етіп, екі ресми арызды колония басшылығы мен Бас прокурорға берді. Бірақ ол әзірге өтінішке жауап алған жоқ.
Алексей Навальныйдың айтуынша, күнде түнгі уақытта сағат сайын келіп оны суретке түсіреді, сол арқылы олар саясаткердің түн ұйқысын 8 рет бұзады.
«Түнде мені сағат әр сайын төсегімнің басына күзет формасын киген ер адам келгенде оянып кетемін. Ол мені камераға түсіріп: «Екі сағат отыз минут, сотталған Навальный. Қашуға бейім ретінде профилактикалық есепте. Орнында» деп айтады. Мені ұмытпай, көзден таса ұстағысы келмейтін адамдар бар деген оймен ұйқымды қайта жалғастырамын», — деп жазды Навальный.
Мұндай тексеру бұрын Навальный «Матросская тишина» изоляторында қамауда болған кезде өзін босату туралы хабарлама жіберген, осыған байланысты қашуға бейім ретінде есепке қойылды. Алексей Навальныйды колонияда болуын барынша төзгіссіз ету үшін есепке алды, оппозиционердің өзі ұйқысынан айыру арқылы азаптап жатқанына сенімді.
«Владимир облысы бойынша ФҮМ ТМ-2 ФҚАҚ қызметкерлерінің мұндай әрекеттері маған ұйықтауға мұрша бермеуде, яғни маған шын мәнінде ұйқы бермеу арқылы қинап жатыр», — делінген Навальныйдың прокуратураға және ФСИН-ге жазған өтінішінде.