Ақтөбе облысының әкімі Асхат Шахаров Ырғыз ауданындағы тазалықшыға қатысты сұрақтарға жауап бере отырып, мектептердегі мәселелер бойынша кері байланыстың маңызды екенін атап өтті. Бұған дейін Мөлдір Ғапиз жергілікті оқу орнында су жоқ екенін айтқаны үшін жұмысынан айрылған.
«Мен үшін проблемалар туралы білу маңызды. Өңір басшысы ретінде осы мәселелерді шешуге міндеттімін. Проблемаларды айтқаны үшін жешкім азаланбайды немесе жұмыстан шығарылмайды. Мен оны жеке өз бақылауыма аламын», — деді әкім.
Бұған дейін Мөлдір Ғапиз мектептегі сумен жабдықтау мәселесі туралы әкімге жүгінгеніне байланысты жұмыстан қуылғанын мәлімдеген болатын. Бұған жауап ретінде әкімдік белгісіз себеппен жұмысқа келмеуіне байланысты жұмыстан шығарылғанын мәлімдеді.
Қазан айында әкім Ырғыз ауданына барып, жұмыс сапары барысында оған құрылыс жобалары мен ауылдық мектептер таныстырылды. Мектептердің бірінде жұмыс істейтін тазалықшы оқу орнында су жоқ екенін айтқан.